ПРОЕКТ ЗА ЗАШТИТА НА КУЛТУРНОТО НАСЛЕДСТВО - Џејмс Семпл Кер
ЕДИЦИЈА КРЕПОСТИ
Националното здружение за заштита на културното наследство на Австралија е издавач на првото издание на прирачникот „Проект за заштита“на д-р Џејмс Семпл Кер, објавен во 1982 г., како и на сите други изданија на оваа книга, вклучувајќи го и последното, шесто издание, објавено во 2004 г.
Д-р Џејмс Семпл Кер е почесен доживотен член на Националното здружение за заштита на културното наследство на Австралија, како и на Националниот комитет на ИКОМОС – Австралија. Во текот на својата долга и плодна стручна и научна дејност, д-р Џејмс Семпл Кер му помагаше и му помага на Националното здружение на Австралија во постигнувањето на неговата основна задача: доближување на правилните конзерваторски принципи и практика на сите оние коишто активно учествуваат во заштитата на културното наследство.
Во оваа книга д-р Џејмс Семпл Кер ги претставува резултатите на долгогодишната посветеност на заштитата на културното наследство во форма што е лесно читлива и особено корисна.
